O' MARIA

1. Hauyei mo O' Maria,
hahuraringeriei
mangia mo itingaloh
hobe halihiei.

Chorus: Hobe hauyei mo,
hobe dolu hataingehira
hobe mangiyei O' Maria,
ba hobe hadiyei.

2. Dini fahou O' Maria,
we hai huradewaho
her we houpamau,
nga homeni fahou.

3. Hai tingaloh O' Maria,
we hai weti dewaho
hobe fadonguyei
ba ibe buou iyolomu.


YARAHAMAMI

Yarahamami Tamor yarahamami
Yarahamamiraho ifiri maho
Harihamami yamu weledahi
Mire iyplomami fadamalari

Ifiri faulumemi ma yamami mengimengi
Hamami meihira ma mena delari
Tamor hera sapiri uruteri maho
Puluhamemi fadamalari


HADUTERING ALLELUJA

Hadutering, hadutering fauluri fadari Dios
Hadutering, hadutering fauluri yas Tamor

Alleluia, alleluia, alleluia
Alleluia, alleluia, alleluia.


HOURUTERI MAHO HERA MARIA

Houruteri maho hera Maria
Hara iye sapi tamau me e taol iyolomu
Hera yataheri faruyamemi
Hera hamahori faringorungorumemi

Ho hafaiemau Ho hafaiemau
Ba ho faduri tiwereyahi ma ifiri Dios
Ba hera na hobe matael
Nga ho tamorul pipiyael lei hafaiemau

O Maria we Dini Fahou
We homasari bito meyala imwamemi ra e halofalof
O Maria we Dini Dios
Hai hafaiemau ba ho fatare rani yamami hairang

Hai hasomaho ma rani imwamemi
Ba hobe bitoh mirehgarihememi
Ba ebe hera lei halihimemi
Mirengarihememi ba hera Diramemi lei halofalof


TAPANGIHAMAMI

Santa Maria we dini Dios
We e wahawaha dewa ma iyolomami
Hai haparuho nga hai yataheho Neira
Ba ho ulori grasia

Tapangihamami, tapangihamami wonoum
Hai tingalo maruyoruya
Ifiri fadami uwowori faruyamami

Tingalo grasia ra ebe tapangihamami
Ba haibe heitangi pipiye tamau
Ra Sakramento ri Konfessar e peitaraho
Ba haibe rru ma ifi tamau

Hatodu tipamami me hai heingeriho
Ba hobe sipeya Dios nihataingeihimemi
Hamami saori weidarop
Ma saori Purgatorio


SINGINIRI HAPARU

Yamami hatodu ifiri Hesus
E fauluhamami be haibe bito towfangani ihar
Ba ebe deo tipamamai

Haparu ma hatawahi (3 x)
Ifiri uruteri mahohawe homori harihamami

Hai balotiwo imowamu Tamor
Weirengi ma Weidarop nga la woduri singiniya
Haparum ma yatahemu

Hai haparudewaho Tamor Dios
Ifiri fadamami ma mahori miremami
Ra hoda mori harihamami